كبده بالفلفل الالوان والبصل
المقادير
كيلو كبده مقطعه
بصل وفلفل الوان مقطع جوليان
10 فصوص توم مقطعه
ربع كوب زيت وملعقتين كبار زبده
ملعقتين كبار خل
شعرة قرفه ملح فلفل اسود
بصل بودر توم بودر جنزبيل بودر
الطريقه في طاسه واسعة سويت البصل كرسبي في الزيت
وضفت الفلفل الالوان ورشة ملح وتركته يدبل مع البصل
في طاسة تانيه سخنتها جدا ونزلت بالزبده والزيت
ونزلت بالكبده والنار عاليه اتقفلت المسام نزلت بالخل والقرفه وباقي التوابل
وقرب ما هتستوي وبدون اضافة ميه ضفت البصل والفلفل
ضفت الملح وتركتها تشرب من بعضها كويس والسائل تقل وخدت لون السوا
طفيت عليها وقدمتها مع مكرونه وسلطة طحينه ومخللات وعيش بلدى
وبالف صحه وعافيه
.
كبدة وقلب وكلاوي الخروف
يا سلام على كبده الخروف وجمالها هاقول لك على اجمل واحلى واطعم كبدة خروف وسهله جدا
قطعي الكبده شرايح محمله شويه وقطعي الشرايح جوليان يعنى بالورب تبقى عامله زي فصوص البرتقال
ونفس طريقة التقطيع للقلب والكلاوي
وقطعي الحلويات والدهن الى حوالين القلب والكلاوي والكبده وجزء بسيط من المفرش
وهاتى اناء واسع وياريت طاسه تيفال غويطه وواسعة او صينيه الومنيوم سميكة القاع
وولعى عليها النار وانزلي بالجلويات وكل الدهن ويكون مش كتير
وقلبيه ينزل جزء سايل من الدهن وضيفي شوية زيت علشان الدهن يفك
وانزلي بالقلب الاول وقلبيه 10 دقايق وبعدين الكلاوي وقلبيها معاه 10 دقايق
وبعدين الكبده والملح والفلفل الاسود سويهم كويس على نار هاديه وياخدوا لون غامق محمر
كله يستوي منه فيه
وكلي احلى واطعم كبدة خروف
للاكيله ريحه وطعم خيالي
واعملي بطاطس تخينه محمره وهاتى عيش بلدي
ومخلل ليمون وفلفل بيتى
وبالف صحه وعافيه
.
الكبده الاسكندارنى
المقادير:
نص كيلو كبده مقطعه اسكندراني
٤ فصوص توم مقطع
فلفل شطه
عصير ليمونه و ربع فنجان خل
ملح فلفل اسود كمون شعرة قرفه زيت
الطريقه
تبلي الكبده بكل التوابل والتوم و ونصف كمية الخل والليمون وقطعي الفلفل عليهم واتركيها لا يقل عن ساعه في التلاجه
سخني الزيت في طاسه واسعه كويس جدا وانزلى بالكبده وقلبيها كويس
لما تتشرب ميتها ضيفي باقي الخل وشعرة القرفه و هدي النار
تاخد لون و تعمل صوص وتستوي اطفي عليها
وبالف صحه وعافيه
.
كبده بالرده
تبلي الكبده بملح وفلفل اسمر وليمون وملعقه خل وم ص توم بودر
وم ص بصل بودر وقليل من اللكمون وعصرة ليمون واتركيها ساعه في التتبيله
وجهزي طبقين طبق فيه بيض بملح خفيف وفلفل اسمر
وطبق فيه رده وشويه دقيق وممكن شويه بقسماط وقلبيهم مع بعض
وبهريهم من نفس توابل الكبده
وانزلي بالكبده في البيض وبعدين الدقيق ودخليها التلاجه ربع ساعه
وجهزى زيت غزير وسخن وحمريها
وبالف صحه وعافيه
.
كبده بالفلفل والتوم
حطيت زيت على زبده علشان الكبده تبقى طريه في طاسه واسعه
سخنتهم جدا وصدمت الكبده على نار عاليه
قلبت كل شريحه على الوجهين لغاية ما ابيضت واتقفلت المسام
ضفت فلفل اسود شعرة قرفه شعرة كمون توم بودر وجنزبيل بودر وقليل من بهار اللحم
قلبت كويس ضفت توم مفروم وفلفل اخضر واحمر مفروم ملعقتين خل
قلبت كويس لغاية السائل ما تقل وعمل صوص جميل
وريحته روعه والكبده خدت لون واستوت
طفيت عليها وقدمتها مع طحينه وبطاطس مقليه وعليها رشة كمون
وبدنجان وطماطم محدقه ومكرونه عاديه
وبالف صحه وعافية
.
كبدةوقلب وكلاوي العيد بالبصل
المكونات
الكبده والقلب والكلاوي والحلويات
بصل مخرط مناسب للكميه
فلفل اسمر ملح جنزبيل بودر
بصل بودر توم بودر شعرة قرفه
ملح وربع كوب زيت وملعقتين زبده او سمنه
فلفل اخضر اختياري
الطريقه
انزلي بالسمنه او زيت على زبده في اناء يتسع للكميه
يسخن كويس ضيفي البصل واول ما يصفر وريحته تطلع ضيفي الفلفل الاخضر
انزلي بالقلب والكلاوي والحلويات والتوابل وبعد 10 دقايق ضيفي الكبده
اتركيهم يستوا كويس جدا وبدون اضافة ميه
اطفي عليهم وقدميهم مع رز ابيض او بالشعريه او مكرونه مع بطاطس مقليه
وسلطة طحينه وعيش بلدي
وبالف صحه وعافيه
.
كبدةوقلب وكلاوي العيد بالبصل
المكونات
الكبده والقلب والكلاوي والحلويات
بصل مخرط مناسب للكميه
فلفل اسمر ملح جنزبيل بودر
بصل بودر توم بودر شعرة قرفه
ملح وربع كوب زيت وملعقتين زبده او سمنه
فلفل اخضر اختياري
الطريقه
انزلي بالسمنه او زيت على زبده في اناء يتسع للكميه
يسخن كويس ضيفي البصل واول ما يصفر وريحته تطلع ضيفي الفلفل الاخضر
انزلي بالقلب والكلاوي والحلويات والتوابل وبعد 10 دقايق ضيفي الكبده
اتركيهم يستوا كويس جدا وبدون اضافة ميه
اطفي عليهم وقدميهم مع رز ابيض او بالشعريه او مكرونه مع بطاطس مقليه
وسلطة طحينه وعيش بلدي
وبالف صحه وعافيه
.
