لكل حبيبين وعشاق القرنبيط النهارده جيبالكم اجمل واسهل طريقه لعمل القرنبيط المقلى وطبعا كلنا بنحبه وهو من الاكلات الشتويه اللذيذه والمحبوبه لدى المستهلك واليكم اجمل واطعم طريقه لعمل القرنبيط المقلى بالصور من مطبخى
المقادير
قرنبيط
كوب دقيق (مج الشاى)
2 بيضة
ماء حسب الخليط
فصين توم مفرومين
ملح
فلفل اسود
زعتر
كسبرة ناشفة
بصل بودر
خضرة
الطريقه
اول حاجة حنعملها نقطع القرنبيط الى زهرات ونغسلها كويس ونسلقها فى ميه مغليه فيها كمون مطحون لمدة دقيقة ونطلعه ونغسله بالماء البارد علشان مايكملش سواه لانه حيتهرى مننا لو سيبناه ومنزلناش الماء البارد عليه ونتركه يصفى الماء فى المصفاه
ثم نحضر الخلطة نضع الدقيق فى وعاء وعليه البيض ونخلط وننزل بالماء حتى يصبح الخليط شبه سايل مش تخين لان حيبقى القرنبيط معجن ووحش لازم الخلطة تبقى اقرب للسائل مش زى الميه سايلة لا يكون بسمك معقول ونضع التوم المفروم و الملح والبهارات والخضرة ونخلط
ونضع القرنبيط فى هذه الخلطة
ثم نقليه فى الزيت الغزير الساخن
ولما يحمر نخرجه على ورق مناديل ويقدم بالف هنا وشفا الله على هشاشته وخفته وطعامته والله رووووووعة
