السلام عليكم ورحمه الله وبركاته
اهلا وسهلا بكل الاعضاء وزوار منتدى نجوم مصريه الكرام النهارده جيبالكم اجمل واطعم قرنبيط مقلي بالخلطة ودي أكلة شتوية مغذية ومفيدة جدا، ومفضله جدا ومحبوبه واليكم هذه الاكله بخطوات سهله وبسيطه يارب تعجبكم
قرنبيط مقلي
المقادير:
زهرة قرنبيط
4 بيضات
كوب دقيق
كوب لبن
1/ 2 كوب شبت مفروم
1/ 2 كوب كزبرة مفرومة
2 فصوص ثوم مفروم
ملح وفلفل
ملعقة صغيرة كمون
ملعقة صغيرة شطة
الطريقة:
1-قطّعي القرنبيط قطع متوسّطة واسلقيها في ميه، وحطي فيها ملح وكمون، وبعدين صفّيها.
2- بعد كده اعملي الخلطة؛ وده بإنك تخلطي كل المكونات: "البيض، اللبن، الملح والفلفل، الثوم، الدقيق، الشبت، الكزبرة، الشطة، الكمون"، وقلّبيهم مع بعض كويس لحد ما يعمل سائل سميك.
3- بعد كده حطي قطع القرنبيط في الخليط، وبعدين اقليه في زيت ساخن جدا وغزير، وقدّميها سخنة.. بالهنا والشفا.