طريقه عيش الشاورما "المقادير "
2 كوب دقيق عادي وكوب دقيق ابيض "استرالي " بتاع الحلويات
خميره فوريه
ملعقه صغيره سكر وملح
نقلب المكونات اولا عالناشف مع بعض
علبه قشطه لو بلدي عادي او جاهزه
ومعلقه سمنه ونقلب الكل بماء دافئ علي حسب العجين ونقسمها كور
طريقه عيش الشاورما
** هانفرد العيش او العجين عندنا بالنشاابه ع رشه دقيق
اشد الحروف لتكون رقيقه , اسخن التيفال او الطاسه
واحط العيش لما يسخن اشوفه كده
وجه اقلب وامسك منديل ادوس بيه ع الفقاعات الهوا اللي بتظهر عشان مايقبش زي الخبز ويفضل افرد خمسه سته واروح اسويهم عشان ماتلخمش واكون بفرد واسوي في نفس الوقت
***
القلب يكون علي الوجهين او الناحيتين عشان لا يتلسع منك
وبعد ماطلعه اغطيه بفوطه عشان مينشفش منك
ملحوظه : ممكن تحطي علي شبكه الفرن وهو دافي ومش شغال عشان مينشفش منك وانتي بتعملي غيره
ولو هتخزنيه يبقا في كيس ومتنظريش كتير تحطي في الفريزر اول باول
ولما يفك بيكون كانه لسه جاي من المخبز
العجينه علي فكره مش محتاجه تخمر لانك لما بتقسميها كور وتيجي تحطيها تاني وتفرديها بتكون ارتاحت كويسي
وممكن لو مش مستعجله بعد ماتكوريها غطيها ربع سااعها تخمر
