قيقيان مجدي خطيبة الضحية مايكل سعد الذي راح ضحية احداث ماسبيرو تروي كامل تفاصيل مقتلة تحت عجلات المدرعات في لقاء لها في برنامج مانشيت حيث كانت فيفيان تصاحبة في المسيرة التي تم مقتلة بها وتروي أنهم عندما وصلوا ماسبيرو شاهدوا إطلاق نار و انها طلبت منه ان يرحلوا لكنه قال يعني هنسيبهم كده وقال كيف نترك الناس واتصل ببنت خالته ومامته وقال لهم أنا هاستشهد النهاردة قعدت أتريق عليه وأهرج .. وأضافت عندما زاد الضرب وسمعنا طلقات ولقينا الناس وقعت ولقينا دبابة بتمشي بشكل همجي قال يللا أنا خايف عليكي .. لقيت الدبابة راجعة بتمشي زجزاج قل يللا ومسك ايدي وفجأة بأبص ورايا ملقيتوش ولقيتها وخداه في سكتها ولقيته اترمى جنبي وفيه كسر في دماغه وبعد كده العساكر اتلموا عليه وقعدوا يضربوا فيه وهو مصاب و بعد شوية جه عسكري لابس طاقية حمرا وقعد يضرب فيا وشتمني شتيمة مقدرش اقولها .. وبعد كده قلت حرام عليك دا قطع النفس ورميت نفسي عليه قال لي يا كافرة إيه اللي جابك هنا قلت له كافرة كافرة بس انقذه.. والعساكر بيضربوا فيا وجه عسكري وقال لهم سيبوه دا مات وبعدين شالوه ورلفوا رجله عشان متقعش
شاهدوا كامل اللقاء والتفاصيل في الفيديو القادم

قال لي يا كافرة إيه اللي جابك هنا قلت له كافرة كافرة بس انقذه.. والعساكر بيضربوا فيا وجه عسكري وقال لهم سيبوه دا مات

غريبة العساكر عملوا ده كله قالها يا كافرة ؟ وهو العسكرى ده كان بلحية ؟ ايه دخل العسكرى انه يقولها يا كافره ولافى رسالة معينه بتوصل ان الجيش من الاسلامين المتعصبين والمفروض يكون فى جيش من الاقباط

والعساكر بيضربوا فيا وجه عسكري وقال لهم سيبوه دا مات

فضلو يضربو فيه وهو ميت ؟ معقول ده هم العساكر مكنش قدامهم الا الشخص ده سابو كل الموجودين الى بيضربوهم وبيضربو الميت والمدرعة غالبا اتقال انها اتسرقت من احد المدنين

انا عارف ان مصابهم اليم بس فى كلام مش راكب

ويا ترى مين حفظها تقول الكلمتين دول ؟؟

لا اظن ان كلامها صح

لان تبين ان كان في قناصة + ان في مدرعة اتسرقت وهى اللى دهست المتظاهرين

كمان مفيش سبب مقنع يقول ان جنودنا هيعملو كدة الا لو كان دفاع عن النفس لانه تبين برده ان في جنود ماتو برصاص جاى من المتظاهرين


مش هيهدوا غير لما يولعو الشعب في المجلس العسكرى ( انا اقصد الايادي الخارجية اللى بتستعمل المصريين وتخليهم همجيين وبتشعلل الدنيا في مصر )

شكرا على الفيديوهات

بجد مؤثره اوي

ربنا يصبر اهل كل فقيد اذا كان مسلم او مسيحي واتمنى السلام لمصر دائما وابدا

بجد ربنا يرحمه وانا مبطلتش بكاء طول الحلقة لانه بجد يتبكى عليه انسان ناجح ومحترم وكان بيحبها وبيشجعها وبيعلمها وكان عاوزها تكون احسن منه وهو ده الحب فعلا مخافش انها تتفوق عليه وكان بار بمامته ربنا يصبرك يا فيفبان ويصبر مامته وهو فى الجنه ان شاء الله



منار