بسم الله الرحمن الرحيم
السلام عليكم ورحمه الله وبركاته
اخواتى وحبايبى اعضاء وزوار منتدى نجوم مصريه النهارده بأذن الله جيبالكم طريقه عمل كفتة البطاطس من مطبخى سهله وبسيطه وغير مكلفه وتعتبر كفته البطاطس من الاكلات المحببه والمفضله يارب تنال اعجابكم
المكونات
1/2 كيلو لحمه مفرومه متعصجه
حزمه بقدونس وكزبره خضره
شويه ملح وفلفل وكمون (شطه حسب الرغبه)
رشه نعناع ناشف
شويه قرفه ( حسب الرغبه)
اربع حبات بطاطس كبار
بيضتين
دقيق وبقسماط وفيجتار( حسب الرغبه )
طريقه التحضير
قومى بخرم البطاطس بالشوكه قبل ماتسلقيها عشان تستوي وحطي مع الميه شويه ملح واسلقيها نصف سلق وبعد ما تقشريها ابشريها بالمبشره وحطي عليها باقي المقادير وقلبي وبعد ذلك تجيبي حته صغيره من البطاطس وتكوريها ونعملي فيها حفره صغيره وحطي فيها اللحمه وكوريها تاني عشان اللحمه ماتبتنش وحطي كور البطاطس في البيض وبعدين الدقيق وبعدين بقسماط وحمري في زيت غزير وتتحمر وحطيها في طبق ورشي عليها بقدونس مقطع صغير
وبالهنا والشفا