السلام عليكم ورحمه الله وبركاته
الى كل اخواتى واعزائى اعضاء وزوار منتدى نجوم النهارده جيبالكم خطوات عمل اللانشون بطريقه سهله وسريعه طبعا اغلبنا بيحب اللانشون لكن كثير بيقرفوا منه فعشان كده حبيت اقدم لكم اللانشون البيتى بطريقه صحيه وامنه واليكم اجمل واسهل واطعم عمل اللانشون البيتى بخطوات بسيطه وغير مكلفه يارب تعجبكم
المقادير:-
4 بيضات
4 جبنه مثلثات
2 مرقة دجاج
1\2 معلقة صغيرة فلفل اسود مطحون
1\2 معلقة صغيرة حبهان مطحون
1\2 كوب زيت
1 كوب دقيق
معلقة فلفل قرنقوطى عشان يدى اللون الاحمر وممكن تبدليه ب3 معالق بنجر مفروم
الطريقة:-
هنجيب كل المكونات دى ونحطها فى الخلاط ما عدا الدقيق وبعد ما نخلطهم نحطهم فى حله او طبق وبعد كده نحط الدقيق ونقلبهم مع بعض بعد كده نجيب كوبايه استالستين او علبة سمنة صغيرة عشان يطلع اللانشون مدور زى اللى بره وندهنها زيت ونحط اللانشون بعد كده هنحط حله نصها ميه على النار ونسيبها تغلى بعد ما تغلى نحط الكوبايه جوه الحله و نغطى الحله واهم حاجه ان الكوبايه تكون اقصر من الحله ونسيبها 1\3 ساعه وتشوفيها اذا كانت استوت زى ما بتشوفى الكيكه هتجيبى سكينه وتغرزيها جواها وبعد ما تستوى تقلبيها وتسيبيها تبرد وتقطعيها شرايح
ملحوظه متكتريش الحبهان اوى عشان يديكى طعم اللانشون بالظبط
