كتير مبيحبوش الاكل البايت النهارده هقولكم طريقه تستخدمو بيها بواقى الفراخ لوجبه جديده ومش هتتكشفى
((( المقادير )))
بواقى الفراخ و بصله متوسطه قطع صغيره و ثمره طماطم منزوع القشر وطقع صغيره وفلفل رومى قطع صغيره وزيتون اسود وزيتون اخضر وجبنه رومى او موتزاريلا حسب الموجود وعيش لبنانى .
((( الطريقه )))
هنخلى الفراخ من الجلد والعظم ونقطعها قطع صغيره ونجيب طاسه ونحط معلقتين زيت ونشوح الفراخ لمده 5 دقايق وبعدين نشيلها فى طبق ونحط مكانها معلقتين زيت تانى وننزل بالبصل والطماطم والفلفل والزيتون الفرق بين كل حاجه دقيقتين ونرجع عليهم الفراخ ونسيبهم مع بعض عالنار لمده من 5 ل 10 دقايق
وبعدين نجيب عيش لبنانى ونفصل الرغيف طبقتين ونحط فى الحشو ونرش عليه الجبنه ونلفه ونحطه فى صنيه تيفال لحد ما نخلص الكميه نرش عليه معلقه زيت صغيره او بالبخاخ لو عندك وندخله الفرن 5 دقايق ويتقدم مع بطاطس محمره وسلطه وبالهنا والشفا