اسهل طريقه لعمل البسطرمه فى البيت لعشاق البسطرمه

السلام عليكم و رحمه الله اعضاء المنتدى الكرام. طبعا كلنا بنخاف على صحتنا و صحه اولادنا و مبقاش حد بيامن للاكل اللى من بره قوى فى ظل الامراض اللى بنسمع عنها كل شويه. خصوصا الحجات النيه زى الانشون و البسطرمه.

واكيد بنسئل نفسنا او فكرنا فى مره ازاى نعمل الحجات دى فى البيت عشان ولادنا بيحبوها و تبقى امنه و صحيه و نحافظ عليهم.

فالنهارده بقا قلنا نعمل حاجه جديده فى البيت فجبتلكم طريقه عمل البسطرمه فى البيت حاجه سهله خالص و المكونات كلها سهله ان شاء الله و اى استسفسار تحت امركم . وانا بدات بالبسطرمه عشان دى بتدخل فى حجات كتير سواء سندوشات او
تتعمل بالبيض او بيتزا و خلافه .

[IMG][ALT="بسطرمة"]http://1.bp.blogspot.com/-zv9Fpxjwtq4/Uvsg-iyIFKI/AAAAAAAAAQw/gG_s6w2izck/s1600/%D8%A8%D8%B3%D8%B7%D8%B1%D9%85%D8%A9.jpg[/ALT][/IMG]

يلا بقى نشوف الطريقه بتاعتها ايه وهنبدا بالمقادير عشان نعمل كيلو بسطرمه :-

1- كيلو لحم من الفخده البقرى خالى من الدهن

2- معلقتان كبار ملح

3- راس توم

4- كوبايه حلبه مدقوقه ناعمه

الطريقه:-

1-هنمسح اللحمه بحته قماش و نعمل شقوق سطحيه و نحشى الشقوق دى ملح

2-نلفها كويس فى ورقه لحم كبيرة ونسبها 24 ساعه

3-بعد 24 ساعه هنطلعها من الورقه و نشطفها بالمياه و نعلقها فى الهواء 24 ساعه كمان ونغطيها بشاش

4- ندق الثوم مع الملح و الحلبه و نحط عليهم شويه مياه صغيرين و نعجنهم

5- نغطى اللحمه بالخليط و نساويها مع بل اليد بالماء

6- نعلقها فى الهواء 3 ايام لحد ما تنشف و لازم نغطيها بشاش برضه عشان ميجيش عليها حشرات

جربوها وقولنا رايكم