طريقة عمل الحمام المحشى بالأرز

لكل عشاق الحمام المحشى وهو من الاكلات التى لا يمكن لاى شخص ان يمسك نفسه امامها . او ان يرفضه.

حيث يعد لحم الحمام من احسن انواع اللحوم طعما و قيمة غذائية اذ يحتوى على نسبه عاليه من البروتين و نسبه صغيره من الالياف و غنى بالفسفور و بعض فيتمينات المجموعه B وفيتامين "D" و الكالسيوم والأحماض الأمينية التي تساهم في تفتيح البشرة ونظارتها.

حيث يساعد لحم الحمام على تقوية الكبد، ويخفف من تسمم الجسم، ويحسن الذاكرة والجسم ، ويخفض من ضغط الدم، ويعدل نسبة السكر في الدم

النهارده هنقدم ليكم طريقه سهله و بسيطه تعرفى تطبيخها فى مطبخك و تعمليها لعائلتك الصغيره او فى عزوماتك.

و زى ما انتى عارفه ان كل و احده ملكه فى مطبخها خشى مطبخك جربى الوصفه و فكرى فى اضافه مميزه من عندك تضيف جمال للاكله .

[IMG][ALT="حمام محشى"]http://4.bp.blogspot.com/-RrrIDBYY7WI/UwNh2ZSXswI/AAAAAAAAASE/nQ2iQLqlM4I/s1600/%D8%AD%D9%85%D8%A7%D9%85+%D9%85%D8%AD%D8%B4%D9%8A4 .jpg[/ALT][/IMG]



المقادير

3 أو 4 حمام

1/4 كوب دقيق

2 كوب أرز مصري

4 ملعقة كبيرة زيت

1 ملعقة كبيرة سمن

2 كوب بصل كبير مفروم

1 ملعقة صغيرة حبهان مطحون

1/4 ملعقة صغيرة جوزة الطيب مطحون (يمكن الإستغناء عنه)

ملح وفلفل

كوب و نصف ماء

2 كوب قطع خضار (بصل ـ جزر)

2 ورق لاورا

1 ملعقة صغيرة فلفل أسود

1/2 كوب زبادي

1 ملعقة صغيرة صلصة طماطم

سمن وزيت (بنفس الكميه يعنى كوبايه زيت و كوبايه سمن و هكذا) للتحمير


طريقه طبخ الحمام المحشى

- هننقع الحمام في الماء والدقيق وشويه ملح ثم نشطفه جيداً، ولو فى الكبد والقوانص تتغسل برضه، ويُصفى من الماء ويُجفف.

-نغسل الأرز كويس ونصفيه من الماء.

- نسخن الزيت والسمن على نار متوسطة، ونضيف البصل والحبهان وجوزة الطيب، ويُتبل بالملح والفلفل مع التقليب لمدة 5 دقائق أو حتى يُصبح لون البصل ذهبياً.

- هنضيف الارز و احنا بنقلب و بعدين نضيف الماء و نسيبه لحد ما يبدا يغلى.

- نخفف الحرارة، ونغطى الإناء ويُترك لمدة 10 دقائق ثم يُترك ليبرد (مع مراعاة ألا يكون الأرز كامل النضج).

- هنحط حوالي 5 كوبيات ماء في حله على نار متوسطة، ويُضاف الخضار وورق الالورا والفلفل الأسود وهنسيبه لحد ما يبدا يغلى .

- في هذه الأثناء نحشى الحمام بالأرز (نراعى حشوه تحت الجلد)، ويتقفل بوضع الأرجل فوق بعضها مع وضع الجناح للخلف.

- نسلق الحمام المحشوى في الشوربه بتاعته، ونتبل بالملح ونترك لمدة 15 دقيقة أو حتى ينضج.

- نشيل الحمام من الشوربه، ونترك ليبرد قليلاً ثم يُجفف.

- نخلط الزبادي مع صلصة الطماطم وندهن الحمام بخليط الزبادي.

- نسخن خليط الزيت والسمن في مقلاة على نار متوسطة، ونحمر الحمام من جميع الجهات .

- نطلع الحمام على منشفة ورقية لامتصاص الزيت الزائد.

- يطبخ الأرز المتبقي في قليل من شوربه الحمام، ويقدم مع الحمام المحشو.


ممكن استخدام الكبد والقوانص مع المكسرات في حشوة الأرز.

نراعى عدم ملئ الحمام بالحشو كاملاً وترك مساحة لتسويه الأرز .