2 كيلو لبن حليب غير مغلي
طاجن او حلة
كيس قماش قطن
رشة ملح
اول حاجة هنحط اللبن السايب في الطاجن( الحلة) وتحطيه في فرن دافي ومطفي ...انا كنت لسه مستخدمه الفرن في تسخين العيش وطفيتها وحطيت الطاجن وغطيته ياعني "تكوني لسه مستخدماه وتطفي وتحطي وراه اللبن رغيت كتير ف النقطة دي صح مش مشكلة هههههه
المهم تسيبيها يوم كامل او يوم ونص خصوصا في الشتا لانها بتاخد وقت عقبال ما تعمل زي الزبادي اول ما تختم زي الزبادي تدخليها التلاجة تمسك نفسها عشان تعرفي تشيلي طبقة القشطة اللي عليها واللي تعمليها زبدة
وبعدين تجهزي كيس قماش وتحتيه طبق تنزليه اللي في الطاجن كله في الكيس وعليه رشة ملح وتعلقيه في المطبقيه او ع حبل صغير تعمليه ف المطبخ حسب المكان عندك ولو عندك حصيرة بتاعت الجبنة يبقي احسن طبعا وحطيته تحتيها علبه لحد الصبح وقطعتها بالشكل دا وبالهنا والشفا
