الكفته اكلة تركيه وهى وجبة سهلة ومحببة لدى الجميع وهى لها مكونات خاصة فهى تتكون من اللحوم ويضاف اليها الفريك او البقسماط وايضا البطاطس والمهم الهدف منها هى محمرة ومقلية بالزيت بتكون الاضافات السابقة مع زيادة بصل مفروم وثوم وتوابل
اما اذا كان الغرض الشى بنكتفى بعصير البصل فقط حتى لا يتفكك اللحم على المشواة
اليوم اقدم لكم طبق تحفة
كفته الفراخ
المقادير
نصف كيلو صدور فراخ مخلية
بصلة كبيرة مفرومة
4 فصوص توم كبار
بيضة
1 حبة بطاطس كبيرة مسلوقة
ملح وفلفل وزعتر
بقسماط للقلى
نفرم الفراخ فى المفرمة او الكبة
الفراخ طبعا بتبقى سهلة جدا فى الفرم
نحط الفراخ مع البصلة المبشورة والتوم
ونضربهم فى الكبة علشان تبقى ناعمة
نسلق البطاطس ونبشرها ونضيفيها
نضيف البيضة والتوابل ونقلب
نقلب الخليط كويس
تحطى ايديكى فى مية وتعمليها صوابع او كور زى ما تحبى
تدخليها التلاجة شوية تمسك نفسها
وبعدين تحطيها فى بقسماط علطول من غير بيض ولا دقيق
تقليها فى زيت غزير والنار تبقى هادية علشان تستوى كويس
تطلعيها على مناديل مطبخ
|
