المقادير:
* نصف كيلو كبدة بلدي
* كام فص ثوم على حسب رغبتك لو بتحبي الثوم كتير او قليل
* مكعبين مرقة خضار مش دجاج عشان سامعة عنها حاجات ما تطمنش للعموم خلينا في الامان
* ملعقتين دقيق
* بيضة
* ملح حسب الرغبة
* زيت للقلي
التحضير:
(1) نفرم الثوم مع مكعبات مرقة الخضار عشان نضمن توزيعها كويس
(2) ننظف الكبدة جيدا و نشيل الغشاء اللي حوليها بقدر الامكان
(3) نفرم الكبدة في الكابة او الخلاط
(4) نضيف مهروس الثوم مع المكعبات ونضيف الدقيق والبيض
(5) الملح سيبيه ما تحطيهوش الا لما اقولك عشان مكعبات المرقة فيها ملح كتتتتتتتتتتير
(6) اخلطي كل المكونات في الكابة خلطا جيدا
(7) سخني الزيت
(8) خذي ملعقة واحدة من الخليط واقليها في الزيت كتجربة و تذوقيها لمعرفة ما اذا كانت تحتاج لملح ام لا طبعا على حسب رغبتك
(9) قومي بقلي باقي الكمية وبالف هنا وشفا عليكم انتم واولادكم وادعولي وقيمولي