مقادير الاكلة
1/4 كيس من المعكرونة الاسباجيتي
125 جرام لحم مفروم
1 بصلة صغيرة
بيضة
3 ملاعق طعام من فتافيت عيش
الكمون والبهارات، الفلفل الأسود، الزعتر
ملح
للصلصة: 3-4 طماطم معصورة
للصلصة: 1 ملعقة طعام من الزبدة
للصلصة: 1 فص من الثوم
للصلصة: 1 ملعقة صغيرة من الريحان
طريقة التحضير
املي حله مياه سخنه و حطي فيها المكرونه و حطي شوية ملح صغيرين و سيبيها تغلي لغاية ما تطرى
لعمل الكفتة: حطي اللحم المفروم في طبق صغير. اكسري البيض في الطبق. و البصل المبشور، وفتات الخبز والملح والتوابل. و اطحنيهم كويس
خدي شوية من الخليط بحجم بطن ايدك و لفيها كويس عشان تعملي شكل الكفته و اعملي كده في كل الخليط
حطي الكفته في الزيت لغاية ما تبقا محمرة من كل الجوانب
لعمل الصلصة: حطي الزبدة في الحلة و سيحيها، و حطي عليها عصير الطماطم و البصل المبشور
رشي على الصلصة شوية ملح و ريحان و سويها على النار لمدة 5 دقائق على الاقل
طلعي الكفته من الزيت على منديل عشان الزيت يتصفى و حطيها في الصلصة و هي بتغلي لمدة دقيقة او اتنين كمان
صفي المكرونة كويس من المياه و حطي عليها خليط الصلصة و الكفته و قلبيها، و تقدم ساخنة