النهارده فى سلسله ليه نشترى لما ممكن نعملها فى البيت بنقدم ليكم طريقة عمل الحلاوه الطحنيه و الحلاوة الطحنيه من الحلويات اللذيذه وخاصه فى الشتا من اجمل الحلويات وبيحبها الصغار والكبار وبها كم جميل من الفوائد العديده لجسم الانسان واكيد لما نعملها فى البيت ح تبقى اجمل وكمان موش ح تكلفك حاجه يعنى ببلاش كده وسيبك من ده كله كفايه انها مضمونه وانتى متاكده من نظافه ادواتك المستخدمه
المقادير
علبه طحنيه واحنا قلنا فى الموضوع اللى فات طريقة عملها واللى مستعجله على عمل الطحنيه ممكن تشترى من البقال اى نوع طحينه يعجبهاكيس سكر ممكن نضربه فى الخلاط اونشترى السكر ناعم + كيس قانيليا + مكسرات

( طريقة عملها ودى سهله وبسيطه جدا
توضع الطحينه على نار هادئه لحد ماتدفى وانا قلت تدفى موش تسخن

نضيف السكر والفانيليا شويه شويه ونقلب ونضيف المكسرات الانواع حسب الرغبه ونقلبها كويس اوى لحد ماتدينا قوام متماسك نحطها فى قالب بلاستيك ونضغطها اوى وننتظر ساعه لحد ماتبرد كويس ونقطعها بالطريقه اللى تعجبنا

وبكده اكون قدمت لكم طريقة عمل الحلاوه الطحنية

موضوع تحتاجه كل ست بيت شكرا لك